第一次尝试用家乡方言阅读，别有一番滋味。江南，那等在季节里的容颜如莲花般开落。
朗诵原文：
江南个水，从洪荒流出来，流过漆发纹身先民个独木船底。流过水踏渡，流过石驳岸，流过平民生活，流出仔红尘中一等富贵风流之地。水，有桃红柳绿，粉墙黛瓦，小桥玲珑，还有带桂花香个一串月亮。落雨天看看，是流动个水晶。天好看看，是流动个琥珀。弗管落雨天好，侪可以看见江南个灵*。吴侬软语因为软麼，好听。软得像苏州小桥下头春天个水花。苏州人讲闲话，就讲究个声调，软糯。为仔软糯，一个字用勒弗同个场化，就用弗同个声调。赛过水，放勒弗同个家生裏，随风就圆。苏州人哪怕吵相骂个声音，也赛过苏州小桥下头春天个流水。
岸边个杨柳，挂起一道烟雾个酒旗。河水醒哉，一跃而起，玲珑得醉人。小石桥月亮形的桥洞，搭游客一淘乾杯。闹闹猛猛个马路旁边，亦高亦大个烽火山墙裏，囥拢一片游离红尘个山林。山，比真山还要真个假山。林，是名贵个古木搭仔奇花异草。居留於小桥楼前，亭台楼阁，池塘，金睛鱼，黑底白字个水雕石，白底黑字个牌匾。移一步，换一景。如果传得来一两声洞箫个声音，真个弄弗清爽自家是啥个朝代个人。
江南是一个谜谜子字典。每一块城砖，每一幢宝塔，每一坨太湖石，每一只井栏圈，每一座石坊楼，侪是记载历史个谜谜子。有个已经猜出来哉，有个有点牵强附会，有个仍旧神秘。从吴越春秋猜到唐宋元明清，可以猜一生一
世。
（声音原创，文章图片均来自网络）
配音：Susan你的赞赏，如花开芬芳。